【明星扮靚】方健儀分享保濕心得　鍾雨璇三招保持狀態

方健儀（Akina）及鍾雨璇（Ophelia）早前出席美容品牌活動，二人並分享美容及保養心得。

Akina笑言：「其實我唔係一個靚女，不過整潔儀容好重要，無論男女都好重要，只要睇落唔衰老，望落精神D，果個人嘅說服力都會大啲，所以美容其實係每一位都必須。」

Akina並指：「我比較注重皮膚清潔，臨瞓前一定會卸妝。另外就係保濕，因為皮膚好需要水分，對於抗皺非常重要。此外，因為我平時都好鍾意做唔同類型嘅運動，例如玩Wakesurf或者同老公去踩單車等等的戶外活動，所以防曬都好重要。」

她補充稱：「平時工作亦需要保持頭腦清醒及年輕，自己都有使用保健品，以提升肌膚及身體嘅狀態。」

Ophelia則表示：「我就好鍾意工作前一晚洗頭、敷Mask及用面部精華素，第二朝就會比較易上粉，加上自己都係美容品牌代言人，除平時會跳舞排舞外，平日都會到美容院做纖體儀器，個人望落去都冇咁腫！」

她續表示：「至於皮膚保養，平時會做下facial及使用護膚產品，亦會食一啲保養品，以保持最佳狀態。」

最新影片推介：蔡潔專訪